आई |
आई ही असते कधी मम्मी |
कधी कुठे असते ती माय, |
माँ अथवा असो अम्मी |
ती तर दुधावरची साय. |
लहानपणापासून आपली |
आईच आवडती शेफ, |
कुठलाही पदार्थ आवडतो |
करो चकली, चिवडा वा केक. |
अनपेक्षित आपल्या तोंडून |
पहिला शब्द निघतो तो आई, |
जीवनातल्या प्रत्येक उणिवांची |
करत असते ती भरपाई. |
नऊ महिने पोटात ठेवून |
जपते आपल्या सर्वांना, |
पहिला शिक्षक म्हणून चालना देते |
पुढील आपल्या सर्व कर्मांना. |
ममता, करुणा आणि नेहमी |
ओतप्रोत भरलेले प्रेम, |
अशा पुज्यनिय माऊलीला |
माझे सादर प्रणाम सप्रेम ! |
“कविमोल” अमोल बारई |
शेअर करा..