पाऊस
शुभ्र आकाशात । पांढरेच ढग ।
पावसाला राग । कशामुळे ॥१
माध्यमे सांगती । अंदाज तो भारी ।
जादा सरासरी । पर्जन्याची ॥२
बातम्या ऐकून। बळी सुखावतो ।
घाईने करतो । मशागत ॥३
दावी लगबग । बियाणे आणण्या ।
वेळेत पेरण्या । करण्यास ॥४
नक्षत्रां नुसार । पडण्या विसरी ।
बळीराजा भारी । चिंतातुर ॥५
आता तो पाउस । दावतो वाकुल्या।
अंदाजा टपल्या । मारावया ॥६
विनवि मिलिंद। वरूण राजास।
हारवेल घास । तुझ्यामुळे ॥७
✒मिलिंद कुलकर्णी, दानोळीकर
३ जुलै २०२२
शेअर करा..
वाह..