गुरू पौर्णिमा
आषाढाचा मास । आध्यात्मिक आस ।
पर्वणीही खास । शिष्य वर्गा ॥
आपल्या गुरुंचे । करावे स्मरण ।
वंदावे चरण । पौर्णिमेला ॥
अज्ञान अंधार । दूर करणार ।
जीवना आकार । गुरूकृपे ॥
माता पिता आद्य । पश्चात शिक्षक ।
मग आध्यात्मिक । गुरूवर्य ॥
यांच्या सवे होते । जीवन ते सुरू ।
महत्वाचा गुरू । अनुभव ॥
गुरू परंपरा । असे सर्वश्रुत ।
उत्सव प्रघात । धर्मातीत ॥
गुरूंच्या चरणी । नमितो मिलिंद ।
घ्यावया आनंद। जीवनाचा ॥
✒मिलिंद कुलकर्णी, दानोळीकर
१३ जुलै २०२२ (गुरूपौर्णिमा)
शेअर करा..
Subscribe
0 Comments
